Khwaab aur Wazood

Main akela bhatak raha tha
Apni aarzuaon ke maare
Chand lamho ki sukoon bhari
Zindagi ki aas mein

Jajbaatein bhi khamosh baithi thi
Aur dhadkanein bezubaan
Mere gumshuda khwab bhi
Thirak rahe the
Zindagi ki bhatakti dhun pe
Jisme na saaz thi naa laya

Wo khwaab jo kabhi mere apne the
Jinhe meri
Samandar aankhon ne badi umeedon
Aur khoobsoorati se sanwaara tha
Par inn samandar aankhon mein aaj sirf
Aanshu aur tanhaayian basti hain

Naa jaane kyu
Aaj phir un chand lamho
Ki tapish hai
Par ae masoon dil
Isse pata naa tha
Iska wazood kis khokli
Mitti se bana hai
Par aaj phir bhi zindagi ko
Apne matlab ki talaash hai

Izzatdaaron aur rawayeton ke
Iss sehar mein
Mera wazood chalni sa hua lagta hai
Meri rooh bhi kaid hai
Inn inshaani pattharo ki aks mein
Aur mera har khwab sheesha hai
Par phir bhi
Pata nahi kyu
Zindagi ko un chand lamho
Ki talaash aaj bhi hai..