Hai Ishq-2

Ek Baawre ki tamanna jaagi
Jab lagi usse ishq ki laagi..

Jab jab labo.n ko tu ne chua hai
Tab tab dil mein kuch meetha sa hua hai..
Gudgudi si teri baatein hain
Teri yaado mein sisakti raatein hain.

Jism toh juda hai..
Par mere dil ki tu khuda hai
Tere deedar ko mann tarasta hai
Aagosh mein lene ko lalachta hai..

Aa simat jaa meri baaho.n mein
Bichaa doon khud ko teri raaho.n mein
Tu dekhegi mere ishq ki inteha ko
Jab baat pahuchegi poore jaha.n ko..

Abhi toh mohabbat ka aagaaz hua hai
Hamaari chahto.n ko parvaaz mila hai
Ye judai toh kuch dino ki mehmaan hai
Phir tujhe apna banaane ka armaan hai..

Baawre ne sawaar li
Ishq ki kaisi ye buri aadat,
Tu hi meri mohabbat hai..Tu hi meri ibaadat..