Aatmbal!

Mahatwakaansha de rahi disha uss dhundle path ka
JIs pe chala koi na aur jise intezaar hai apne pathik ka
Lakshya kar raha oottejit mere dishaheen mann ko
Aatur kar rahi hain bhaawnaayein uss dhundle dagar ko
Bhayheen ho jaa re mann,keh raha wo sankeern raasta
Nikal par apne path pe tu,lekar apne shakti ki aastha
Aashirwaado ka kawach viraajta hai tere sar pe
Aatmbal banega tera sambal uss durgam safar pe
Rakh vishwas apne karmo ki sachchai pe
Jo le jaayengi tujhe Safaltaon ki unchaai pe
Aayengi muskilein, lengi imtihaan par chodna na tu apna path
Hoga kathin par jeetunga main..karta hoon ye shapath..