kuch taaro ko tod ke
apne soone aangan mein
piro pata toh baat kuch aur hoti..
lamha lamha zindagi machalti rahi
katra katra saans sulagti rahi
uss aadhe chaand ki chandni
ko apne puraane kamre ki
deewaaro mein saja pata
toh baat kuch aur hoti..
jarra jarra sapne bikharte gaye
katra katra jaan jaati rahi
unn khilti bel ki lapto
se apne dhehte gharaunde
ko baandh paata toh baat kuch aur hoti..
sehma sehma daaman taar-taar hota raha
katra katra jehan daagdaar hota raha
shayad apne jeene ki kuch
chuninda wajho.n ko
sapno ka manjar dikha paata
toh baat kuch aur hoti..
bikhre bikhre aanshu saath chodte rahe
katra katra aankhein nam hoti rahi
katra katra jeene ki wajah kam hoti rahi...
Subscribe to:
Post Comments (Atom)
No comments:
Post a Comment